Reykjavíkurannáll var fyrirtæki sem Páll Skúlason ritstjóri - og afi Ragnheiðar - setti á laggirnar á þriðja áratug 20. aldar. Megin tilgangur þess var að framleða og halda utan um revíusýningar sem hann samdi í félagi við ýmsa þjóðkunna einstaklinga og listamenn. Páll þótti mikill háðfugl, stofnaði m.a. skoptímaritið "Spegilinn" árið 1926 og var ritstjóri þess og útgefandi um áratugaskeið. Í "Speglinum" - líkt og í revíunum - voru þjóðfélagsmálin krufin og menn og málefni dregin sundur og saman í háði. 

Við höfum nú endurvakið Reykjavíkurannál og vonumst til þess að uppvakningurinn eigi eftir að halda örugglega utan um okkar eigin grallaraskap tengdum listum og menningu.